කස්සාගේ ලෝකය

                         ඕනෑ ම මොහොතක ඕනෑ ම විදිහකින් වෙනස් විය හැකි දේවල් අතරින් “ ජීවිතය ”   නම් අකුරු හතරට හිමි වන්නෙ ප්‍රබල සංධිස්ථානයකි. ඒ තරමට ම එය අවිනිශ්චිතය.එවැනි අවිනිශ්චිත වූ ජීවිතය තුල යථාර්ථයට මුහුණ දෙන විට ජයග්‍රහණයන් මෙන් ම පරාජයන් ද සැමට ම පොදු කරුණක් වේ.නමුත් තරගකාරී ජීවන රටාවක් තුල උරෙන් උර ගැටෙමින් ජයග්‍රහණය පසුපස ම යන මිනිසාට ජරාජයන් වහ කදුරු මෙන් පෙනෙයි. ඒ කරුණ නිසාවෙන් ම අද වර්තමානය වන විට සාර්ථකත්වයට යා හැකි බහුතරයක් අසාර්ථකත්වයේ ගොදුරු වී හමාරය. එබැවින් වැටුනු තැනින් නැගී සිටීම සමාජ අවශ්‍යතාවයක්ව පවතී. ජීවිතය යනු දහසකුත් එකක් ප්‍රශ්න වලින් නිර්මාණය වූ මඩ ගොහොරුවකින් පැන නැගි, සුදු නෙලුමක් නම් එම සුදු නෙලුම ලොවම සුවදවත් කරන සාර්ථකත්වයේ සංකේතය බවට පත් කිරීමට සෑම අයෙකුම උත්සාහ ගත යුතුය. ඒ සදහා සියලු දෙනා ම කුමන බාධක පැමිණිය ද ඒවා සාර්ථක ව විසදා ගත යුතු වේ.              ...

රචනය - අචිනි ශානිකා බණ්ඩාර ඔන්න එකමත් එක කාලෙක පුංචි කැලේක පුංචි වඳුරු පැංචෙක් හිටියා. එයාට කැලේ ගොඩක් යාලුවො හිටියා. එයා එයාගෙ යාලුවන්ට ගොඩක් ආදරෙයි. වඳුරු පැංචා එයාට පුලුවන් විදියට හැමෝටම උදව් කලා. එයාගෙ අම්මයි තාත්තයි වගේම තමයි වඳුරු පැංචා. එයාලත් හැමෝටම උදව් කරනවා. කැලේ යාලුවො හැමෝම එයාලට ආදරෙයි. "අම්මේ...මං සෙල්ලම් කරන්න යනවා." "හොඳයි පුතේ..පරිස්සමින්."        වඳුරු පැංචා හරිම සතුටින් යාලුවො එක්ක සෙල්ලම් කරන්න ගියා. ගස්වලින් පැන පැන වැල්වල එල්ලීගෙන තමයි එයා යාලුවො හොයගෙන යන්නෙ. ඔන්න ඉතින් එයාලගෙ සෙල්ලම් ගේ ලඟට වඳුරු පැංචා ආවා. ඒත් තාම යාලුවො ඇවිත් නැහැ වගේ. වඳුරු පැංචා සෙල්ලම් ගෙට වෙලා යාලුවො එනකල් හිටියා.  "මං තමයි ඉස්සෙල්ලම යන්නේ.." වඳුරු පැංචාට යාලුවන්ගෙ සද්දෙ ඇහුනා. "ආ..ඔය එන්නෙ කට්ටියම.."        එයාගෙ හොඳම යාලුවො ඇවිල්ලා. ඒගොල්ලො තමයි වලස් පැංචයි හා පැංචියි කොටි පැංචයි. ඒගොල්ලො හැමතිස්සෙම කලේ සෙල්ලම් කරපු එක. "අද අපි මොකක්ද කරන සෙල්ලම ? " කොටි පැංචා ඇහුවා. "අල්ලං සෙල්ලං කරමූ.." හා පැංචි පැන්න ගමන් කිව්ව...

“සිරි අම්මේ සාරා...... ඈ ගෙරි හද මෝරා....” “ඕං උඹලගෙ තාත්තගෙ ලවුස් පීකරේ අදත් ඇහෙන්නෙ.   මෙතන මං එක එකා ලග ලැගල හම්බ කරන තුට්ටු දෙක ගිනි වතුරට දාල මට මේ කපේකට ලස්සනට ජීවිත් වෙන්න දෙන් නෑ මේකා...”                                                               යැයි කියමින් ඈතින් ඇසෙන තාත්තගේ බේබදු සංගීතෙට තාල තියන ගමන් අම්ම දොරකොඩ වාඩි වෙලා හිටිය මටත් ටොක්කක් ඇනට ගේ ඇතුලට ගියා.උදැහැනැක්කෙ අම්මත් එක්ක ගෙදරින් එලියට බහින තාත්ත හැන්දැ කොරේ ගෙදර එන්නෙ කමල නැන්දගෙ කසිප්පු වාඩියටත් ආයුබොවං කියාගෙන.එහෙම ගියාට අම්මගෙවත් තාත්තගෙවත් රස්සාව නං මං දන් නෑ.ඒත් නංගියි මල්ලියි බලා ගන්න එක තමා මගේ නං රස්සාව.උන් දෙන්නට නං ලොකු හවසට අම්ම ගෙනත් දෙන චොකොලට් පෙති දෙක තමයි.මට නං ඒ වගේ වාසියක් ලැබෙන්නෙ හරි කලාතුරකින්.වැඩිමලා වුනාට අල්ලපු ගෙදර නැන්ද කියන විදිහට මං අවුරුදු දහයේ,නිකං කොල්ලෙකුත් නෙවේ අවජාතක කොල්ලෙක්.         ...

"ශාක්‍යා...දුවේ...මෙන්න මේ සුලෝචනා දූ ඇවිත්..." අම්මාගේ කටහඬින් අවදි වූ මා ඔරලෝසුවේ සනිටුහන් වූ වේලාව බැලුවෙ සැබැවින් ම මා ප්‍රමාද දැයි සැක හැර බලා ගැනීමටය..අලුයම එක පසු වී විනාඩි දෙකකුත් ගොස්ය..මතක පරිද්දෙන් මා එලාම් එක තැබුවෙ දොලහමාරටය.එය ද නොතකා මට නින්ද ගොස් ඇති හැඩය.දනිපිනි ගා ඇදෙන් බැසගත් මා ඊලගට නැවතුනේ නාන කාමරේය.එහි ද ඕනාවටත් වඩා වැඩි වේලාවක් මා රැදී සිටි බව මට වැටහුනේ සුලෝ අක්කාගේ කටහඩිනි. "නංගි.. ගිහිල්ලත් හෝදන්න ටිකක් තියා ගනිං බං..විගහට නොආවොත් නැකතට යන්න වෙන්නෙ තුවාය ඇදං තමා ඕං..” ජීවිත කාලෙ කෙනෙක්ට විදින්න ලැබෙන සුන්දරත ම අත්දැකීම...ඔව් අද තමයි දවස.. අවුරුද්දයි මාස දෙකකට පස්සෙ මං එයාගෙ වෙන දවස..ජීවිතේ මං දැකපු ලස්සන ම හීනෙ සැබෑ වෙන දවස..එයට නං පරක්කු වෙන එක නුවණට හුරු නැත..අවසානයේ සුලෝ අක්කාගේත් ඇයගෙ යෙහෙලියන් දෙදෙනාගේත් දෑතින් මා ඉතා අලංකාර උඩරට මනාලියක් සේ හැඩ ගැන්වුණි..කාලය මටත් හොරා හෝරා ගනනින් පියඹා යද්දී එලැඹි සුබ මොහොතින් මගේ හීනය සැබෑවක් වුණි.ඒ මාගේත් දුමිදුගේත් විවාහය කිසිදු බාධාවකින් තොරව සිදු වීමෙනි.. ඉතාමත් ප්‍රීතිමත් වුවද  වෙහෙසකර...

ඔබ ඔබ ම වෙන්න ජීවත් වූ මේ කෙටි කාලය තුල ඔබට නොයෙකුත් පුද්ගලයින් හමු වී ඇත.. ඔවුන් කවුරුන් ද යන වග,ඔබ ඔවුන් ඇසුරේ සිටියදී වටහා ගන්නට ද ඇත.ඒ සදහා ඔබගෙ කාලය ද මිඩංගු කරන්නට ඇත.නමුත් ඔබ කවුරුන් ද යන වග පිලිබදව සිතන්නට ඔබගෙ කාලයෙන් ඔබ කෙතරම් වෙලාවක් මිඩංගු කර ඇද්ද... සිතන්න.. ඔබ ඔබගෙ ඇසුරෙ කෙතරම් කාලයක් සිටියේ ද? මේ කෙටි කාලය තුල ඔබ ඔබ ව සොයා ගත්තේ ද? ඔබ ඔබ ව ම වටහා ගත්තේ ද? මේ සියල්ල ට ම ඔබේ පිලිතුර ඔව් නම්, මේ වන විටත් ඔබ සාර්ථක පුද්ගලයෙකු වී හමාරය.. නමුත් ප්‍රශ්නය ඇත්තේ එතනය.තාක්ෂණික ලෝකයක රැල්ලට හඹා යන තාරුණ්‍යයක සිටින ඔබට ඔබව ම මග හැරී ඇත..ඔන්ලයින් ජීවිතය තුල ඔබ ඕප් ලයින් වී ඇත.ඔබේ සිතුවිලි ඩිඇක්ටිවේට් වී ඇත.ඔබ ව ශට් ඩවුන් වීමට පෙර ඔබ ඔබ ම වී නැවතත් රී ස්ටාට් වෙන්න..හිත ඇත්නම් පත කුඩා ද... ඉතින් මේ අලුතින් හිතන්න කාලයයි..ඔබ ඔබව සොයා යන ගමනේ පලමු ව හොද හුස්මක් ගන්න..හුස්ම හෙලන විට ඔන්ලයින් ජීවිතයට එන්න කලින් ඔබ ගත කල සැබෑ ජීවිතයට එන්න.නොදන්නා යහලුවන් රැසකට කලියෙන් හදුනා ගත් ඔබ වටා සිටි යහලුවන් ගැන සිතන්න..ඔබ අසල දැව ටී සෙල්ලම් කල,ඔබ සෙල්ලම් කල සහෝදර සහෝදරියන් ගැන සිතන්න.. අම්මා තාත්...

මගේ පළවෙනි කෙටි චිත්‍රපටය ... DONT - short film. (Cast- first year students,faculty of science of Eastern University,Sri Lanka) https://drive.google.com/file/d/1X7euc8h2RbPwWSSs30mRNF5qFWi0h6dj/view?usp=drivesdk A short film by me 😍

කුකුලත් අතේ තියන් මං හනි හනිකට ආවෙ මගේ ලොතරයි කූඩුව අරින්න... මේ දවස් වල නත්තල් දොහේ නිසා බාර් ගාව හරි හරියට සෙනග ගැවෙසනවා  .ඒ හින්ද ම ද මන්ද යහමින් මුදලක් හම්බ කරගන්න මේ ටිකේ මං උදැහැනැක්කෙ ම බාර් එක ඉස්සරහ තීන මගේ ලොතරයි කූඩුවට එනවා... මගේ කීවට මේකත් අයිති බාර් එකේ ලොකු මුදලාලිට.. උන්දැට පින් සිද්ධ වෙන්න මේකෙන් ලැබෙන සොච්චමෙන් ලෙඩ ඇදේ ඉන්න අප්පුච්චයි නංගිල දෙන්නගෙයි බඩ කට පුරවනවා... දෑ අවුරුද්දකට කලියෙන් අම්මා නැති වුන දා පටන් අප්පුච්චත් ලෙඩ ඇදේ...එදා ඉදන් මේ වෙනකං මගේ ලොකු ම රාජකාරිය පවුල නඩත්තු කරන එක...උදේ පටන් හැන්දැ වෙනකම්ම ලවුස් පීකරෙන් ජෝතිපාල මහත්තයගෙ  සින්දු අහන් ගෙවන මේ ජීවිතේ වෙලාවකට නං සුන්දරයි ... ඒත් බාර් එකට එන යන මිනිස්සුගෙ කෑදර බැල්මවල් මතක් වෙද්දි නං මේ රස්සාව දාල යන්න හිතෙන්නෙ ජීවිතේ ගැන තීන ආසාවටත් වඩා ගෙදර ගැන මතක් වෙලා.. ඒත් ඒ හැම දේට ම මගේ ආරක්සාවට එදා ඉදන් ම ඇහැ ගහන් හිටියේ මගේ ලොතරයි කූඩුව එහා පැත්තේ මාලු ලෑල්ලෙ මාලු සෝමේ අයියා විතරයි...දුටු ගැමුණු විහාරේ අඹල තීන යෝධයෙක්ගෙ වගේ ඇගක් තිබුණ සෝමෙ අයියගෙ කාල වර්ණ දේහෙ, මාලු කපද්දි ඉලිප්පෙන මස් ගොබ දකිද්දි...

Hello, I am S.V.G.D.Kasuni Ganga. My reg.no is EU/IS/2017/BS/017 My index no is BS 2016 Don't be confuse about above facts.That are my university details.This is the my blog site that is used to publish my sinhala poetry,short stories that i wrote and my short films. කස්සා (kassa) is the my nick name in the poetry field.That s why i gave that name for my blog side. I invite all to join and share my creations. Thank you